Ylli i famshëm, Kim Kardashian, është një hap më afër ndjekjes së gjurmëve të të atit për t’u bërë avokate.

Siç raportohet nga mediat e huaja, ajo ka përfunduar një stazh ligjor dhe tani është e kualifikuar për të dhënë provimin e jurisprudencës në Kaliforni, konfirmoi përfaqësuesi i saj të mërkurën.

Krijuesja e “Skims” postoi gjithashtu në Instagram nga një ceremoni private në hotelin Beverly Hills, ku buzëqeshi ndërsa mbante veshur një kapelë diplomimi.

Jessica Jackson, një avokate që e mentoroi atë në program, e quajti ‘një nga udhëtimet ligjore më frymëzuese që kemi parë ndonjëherë’.

“Gjashtë vjet më parë, Kim Kardashian hyri në këtë program me asgjë tjetër përveç një dëshire të zjarrtë për të luftuar për drejtësi”, thotë Jackson në një fjalim.

“Asnjë leksion në shkollën e drejtësisë, asnjë rrugë e shkurtër si në kullën e fildishtë, vetëm vendosmëri. Dhe një mal me libra të jurisprudencës për të lexuar”.

Veçanërisht, Kalifornia u lejon njerëzve të studiojnë nën drejtimin e një avokati ose gjyqtari si një alternativë ndaj shkollës juridike. Kardashian mund të bëhet një avokate e licencuar nëse kalon provimin e avokatisë.

Jackson tha se Kardashian kaloi ’18 orë në javë, 48 javë në vit për gjashtë vjet rresht’ në program.

Vlen të përmendet se babai i ndjerë i Kim-it, Robert Kardashian, ishte avokat dhe numëronte OJ Simpson midis klientëve të tij.

Vitet e fundit, Kardashian ka qenë një avokate e reformës në drejtësi penale dhe në vitin 2018 ka lobuar me sukses te Presidenti Donald Trump për të ndryshuar dënimin e Alice Marie Johnson, një gjyshe e cila po vuante një dënim me burgim të përjetshëm pa kusht për vepra penale që lidhen me drogën. /Telegrafi/