Duke folur për “TF1” pas fitores të Francës ndaj Australisë 4:1 në ndeshjen e parë në Kupën e Botës “Katar 2022”, Didier Deschamps foli edhe rreth lëndimit të Lucas Hernandez.

Mbrojtësi u detyrua të largohej nga ndeshja në minutën e 13-të, transmeton Gazeta Express.

Hernandez mori lëndim në gju brenda dhe u zëvendësua nga vëllai i tij, Theo.

Sipas Deschamps, gjërat nuk duken pozitive për lojtarin e Bayern Munichut, edhe pse ende nuk është një rezultat përfundimtar mjekëso

“Do të shohim pas testeve, por mua më duket mjaft serioze”, u shpreh përzgjedhësi i Francës.

Mbetet të shihet nëse Franca do të përballet sërish me problemin e lëndimeve, siç u përball që në start të turneut. /Gazeta Express/