Dy skuadra mjaftë të mëdha në Zvicër, Grasshopper dhe Luzern janë përballur njëra me tjetrën të shtunën mbrëma.

Ndeshja e dy rivalëve të vjetër i cilësuar si derbi i futbollistëve shqiptarë në Zvicër nuk ka nxjerrë fitues pasi dy ekipet janë ndarë me nga një gol të shënuar dhe nga një pikë të fituar 1-1.

Në këtë përballje janë aktivizuar katër futbollistë shqiptarë, tre tek vendasit e Grasshopper dhe një te Luzern.

Talentet shqiptarë, Shani Tarashaj dhe Florian Kamberi kanë filluar nga minuta e parë ndeshjen dhe kanë qëndruar në fushë gjatë 90 minutave, ndërsa Mërgim Brahimi është aktivizuar në minutën e 70, përderisa Alban Pnishi ka qenë në bankë.

Ndërkohë tek Luzern titullar ishte Jahmir Hyka, ndërsa Hekuran Kryeziu nuk ishte i gatshëm për këtë takim pasi kishte një lëndim të vogël dhe do t’i rikthehet fushës nga java e ardhshme. /Telgrafi/