Deputeti i LDK’së thotë se demarkacioni s’kalon – opsion mbeten zgjedhjet

PUBLIKUAR

Një deputet i LDK’së po thotë se Qeveria aktuale s’i ka votat për të votuar demarkacionin. Adem Salihaj ka deklaruar se marrëveshje për shënimin e vijës kufitare me Malin e Zi duhet rinegociuar. Megjithëkëtë, ky zyrtar i LDK’së ka thënë se rrëzimi i Qeverisë është dëshirë e PDK’së.

Deputeti i LDK’së, Adem Salihaj ka thënë se koalicioni qeverisës vazhdon të mos i ketë votat për kalimin e marrëveshjes për shënimin e vijës kufitare me Malin e Zi.

Ai thotë se e vetmja zgjidhje në këtë situate është rinegocimi.

“Sa i përket demarkacionit, zgjidhja nuk është sjellja e tij në Kuvend. Koalicioni nuk i ka votat, sepse po t’i kishte, do ta kishte sjellë moti. Zgjidhja është te rinegocimi, nuk ka zgjidhje tjetër”, ka thënë Salihaj, për Express, të dielën.

Shefi i LDK’së, Isa Mustafa, ka thënë se nëse s’kalon demarkacioni atëherë mbesin opsion zgjedhjet e reja. Të njëjtën e ka thënë edhe Kryetari i PDK’së, Kadri Veseli, i cili ka paralajmëruar se këtë muaj demarkacioni shkon në Kuvend për votim.

Sidoqoftë, deputeti i LDK’së thotë se përpos Opozitës edhe PDK po e dëshiron rrëzimin e Qeverisë së udhëhequr prej Isa Mustafës.

“Rrëzimin e Qeverisë, më shumë se opozita, e dëshiron PDK dhe Kadri Veseli. Arrestimet e mundshme nga Gjykata Speciale po e mbajnë ne ankth kreun e PDK-se.”, ka deklaruar ai.

Sa i përket zgjedhjeve të jashtëzakonshme, deputeti i LDK’së ka thënë se nuk ekziston ndonjë arsye e veçantë për këtë çështje.

“Sa i përket opozitës, ajo ka kërkuar vazhdimisht zgjedhje, kjo është në natyrën e opozitës. Megjithatë, nuk ekziston ndonjë arsye e veçantë për zgjedhje të jashtëzakonshme.  Kosova përherë ka mbajtur zgjedhje te jashtëzakonshme, por asnjëherë nuk është përmirësuar gjendja,” ka deklaruar Salihaj për Gazetën Express.

SHIKO MË SHUMË

Kërkesë publike për Arben Vitinë, mes lotësh flet asamblistja e VV-së sqaron pse e bëri kërkesën

Asamblistja e VV-së në Rahovec, Vlora Vuqiterna mes emocionesh, ka rrëfyer arsyet që e...

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...