Gjyqtarit francez, i cili e shqelmoi një futbollist gjatë një ndeshjeje të Ligë 1 të Francës, i është ndaluar referimi në ligë për tre muaj prej komisionit disiplinor të ligës franceze.
Tony Chapron, 45-vjeçar, e shqelmoi Diego Carlosin e Nantes kah fundi i ndeshjes ndaj Paris Saint-Germain më 14 janar, pasi ishte rrezuar gjatë një përplasjeje aksidentale me lojtarin, transmeton Express.
Për më tepër, Chapron e ndëshkoi edhe me karton të kuq lojtarin duke e përjashtuar nga loja.
Një ditë pas ndeshjes, gjyqtari kërkoi falje për veprimin e bërë duke e pranuar se reagimi i tij kishte qenë i pavend dhe trashë.
