Anëtari i Kryesisë së Lëvizjes Vetëvendosje, Rexhep Selimi është shprehur i bindur se marrëveshja për demarkacionin me Malin e Zi do të zhbëhet me protesta dhe reagim qytetar.

Deputeti i Vetëvendosjes për “Epokën e re” tha se po të mos ishte rezistenca e opozitës dhe qytetarëve të Kosovës, kjo marrëveshje do të ratifikohej që në shtator të vitit të kaluar.

Selimi ka ftuar dy subjektet e tjera politike opozitare, AAK-në dhe Nismën, që t’i bashkohen lëvizjes Vetëvendosje në organizimin e protestave për ta kundërshtuar demarkacionin me Malin e Zi.