Drejtori menaxhues i Arsenalit, Vinai Venkatesham dhe shefi për transferime Raul Sanllehu kanë rritur shpresat e Gunners për këtë afat të transferëve
Drejtori menaxhues i Arsenalit Vinai Venkatesham kanë demantuar shkrimet në media që klubi ka vetëm 40 milionë funte për të shpenzuar gjatë verës, përderisa shefi i transferimeve ka thënë se pritet që të këtë edhe më shumë aktivitet të tyre derisa të përfundoj afati veror.
“Nuk e di se nga ka ardhur kjo shifër prej 40 milionë funte, e kam lexuar shumë. Nuk ka ardhur nga ne, nuk ka dalë nga klubi. numrat nuk kanë dalë nga ne”, ka thënë ai për tifozët në një takim të tyre sot.
“Ne kurrë, kurrë nuk flasim sa para do të shpenzojmë sepse kjo nuk të ndihmon fare. Raul është duke punuar shumë, sepse nëse ju shkoni në negociata dhe të gjithë e zbulojnë sa para ke, kjo fare nuk do ju ndihmojë”.
“Është e vërtetë që kemi fonde më të limituara pas tri viteve në Europa Ligë, por buxheti nuk është 40 milionë funte. Ne kemi buxhet për të bërë dallimin por në përgjithësi është një afat më i rëndë dhe ne jemi në të. E kuptoj frustrimin, por ka një numër të madh të dezinformatave që ndodhin në treg”. /GazetaExpress/