Kryetari i Gjykatës Supreme, Fejzullah Hasani bashkë me gjyqtarët Avdi Dinaj, Valdete Daka dhe Emine Mustafa, po marrin pjesë në Forumin rajonal për Shtetin e së Drejtës për Evropën Juglindore që po mbahet në Sarajevë.
Në këtë konferencë po diskutohet për të drejtën për proces të rregullt ligjor, aktivitetet e Këshillit të Evropës në mbështetje të gjyqësorit të Ballkanit Perëndimor si dhe pavarësia dhe paanshmëria e gjykatave.
Duke u fokusuar në pikat e rendit të ditës, delegacioni nga Kosova ka folur për sistemin e drejtësisë në Kosovë duke specifikuar sfidat nëpër të cilat po kalon ky sistem si dhe duke shkëmbyer përvojat me delegacionet nga vendet e rajonit.
Ky forum do t’i vazhdojë punimet edhe gjatë ditës së nesërme. /Telegrafi/
