Ikona e Juventusit, Alessandro Del Piero, e ka komentuar garën e sivjetme për titullin e Serie A.

“Ai dueli i vjetër ndërmjet Juventusit dhe Interit, ka filluar të rikthehet. Mirëpo, nuk do t’i lija anash skuadrat tjera që janë në garë”.

“Roma ka potencial për të sfiduar për titull, luajti mirë ndaj Napolit në një moment të vështirë. Patën një tronditje në Kupën e Italisë, por u kthyen në kampionat”.

“Napoli luan futbollin më të mirë së bashku me Romën. Fiorentina duhet ta dëshmojë veten, por sa i përket cilësisë nuk ka dyshim se ata janë realisht konkurrues”.

“Deri më tash kanë mundur të befasojnë. Do të shohim çfarë do të ndodhë në periudhë afatgjate. Si do që të jetë, janë shumë konkurrentë për të garuar për titull me Interin dhe Juventusin”, është shprehur Del Piero përLa Gazzetta dello Sport. /Telegrafi/