Deklarimet e ndërkombëtarëve për Demarkacionin s’janë goditje për opozitën, thotë Lekaj

PUBLIKUAR

Senatori amerikan, John McCain dhe Ministrit të Punëve të Jashtme të Gjermanisë, Sigmar Gabriel, që është edhe zëvendëskancelar, kanë vizituar Kosovën dhe kanë pohuar se marrëveshja e Demarkacionit – të cilën po e kundërshton opozita, duhet të ratifikohet, por këto deklarime, sipas shefit të grupit Parlamentar të AAK-së, Pal Lekaj, nuk janë goditje për opozitën, përkundrazi.

Lekaj nga Aleanca për Ardhmërinë e Kosovës pohoi në Info Magazine të Klan Kosovës se s’mund të fajësohet opozita, për dështime të qeverisë.

“Qeveria i ka 89 deputetë dhe të fajësohet opozita është e pakuptimtë dhe nuk ka logjikë”, tha Lekaj, njofton Klan Kosova.

“Miqtë tanë janë munduar që të japin mesazhe të qarta që shteti i Kosovës të forcohet. Por, ne nuk jemi në Kuvend që t’i japim dikujt tokë dhe ta copëtojmë Kosovën”.

“AAK-ja, duke kërkuar mirëkuptim edhe tek Gjermania edhe tek SHBA, kërkon që Kosova mos të ndahet dhe këtë e kërkojnë edhe miqtë tanë”.

“McCain nuk e tha patjetër që duhet të ratifikohet marrëveshja. Ndërsa ministri gjerman ishte më i qartë dhe na ka thënë edhe në Bundestag se marrëveshja për Demarkacionin duhet të kryhet. Por, opozita nuk është kundër demarkimit të kufijve, por për një demarkacion tjetër”.

“Prandaj deklaratat e ndërkombëtareve nuk janë goditje kundër opozitës. Për ngecjet e qeverisë duhet të marrë përgjegjësi pozita. Nga pozita nuk kanë qenë të zotët të procedojnë me demarkacionin”, ka thënë Lekaj.

SHIKO MË SHUMË

Kërkesë publike për Arben Vitinë, mes lotësh flet asamblistja e VV-së sqaron pse e bëri kërkesën

Asamblistja e VV-së në Rahovec, Vlora Vuqiterna mes emocionesh, ka rrëfyer arsyet që e...

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...