Juan Mata thotë se nuk ka pasur kurrfarë telashesh mes Louis van Gaalit dhe David De Geas pas dështimit të kalimit të portierit te Real Madridi.
Spanjolli ishte shumë pranë të largohej nga Manchester Unitedi këtë verë, mirëpo transferimi dështoi në minutat e fundit.
Sidoqoftë, sipas bashkëkombësit të tij, kjo nuk ka ndikuar në raportet mes trajnerit dhe portierit kryesor të skuadrës.
“Nuk mendoj se do të ketë ndonjë problem me klubin, trajnerin ose tifozët. Unë kështu e kuptoj”.
“Tifozët e duan shumë (De Gean) dhe ai vlerësohet shumë nga klubi dhe trajneri. Mendoj se do të vazhdojë të jetë njësoj”, është shprehur Mata. /Telegrafi/
