Daut Xhemajli, i cili ka dy aktakuza të ngritura, në seancën e datës 7 korrik nuk është paraqitur fare në seancë dhe kjo ka ndikuar që Emine Salihu, kryetare e trupit gjykues të shtyjë seancën e radhës për 3 shtator

Sipas aktakuzës që e ka ngritur prokurori Isuf Sadiku, Daut Xhemajli, ish-zëvendësministër i Drejtësisë dyshohet se me qëllim të shkaktimit të dëmit për personin tjetër ose për organizatën e biznesit, shpërdoron pozitën e tij zyrtare.

Thuhet se ai duke tejkaluar detyrat zyrtare, në atë mënyrë që shkel legjislacionin përkatës të Ligjit të prokurimit duke lidhur kontratë për punë, ka zhvilluar aktivitetet e prokurimit në vlerë prej 7.936.13 euro me kompaninë “Kristal” nga Vitia.