I riu Dardan Syla përgjigjet në intervistën dhënë portalit LipjaniNews.
“Synimi im është të bëhem kampion bote dhe sigurisht korrja e nje suksesi në lojërat olimpike nën flamurin e shtetit tonë”, u shpreh Dardani.
Ja intervista e plotë:
LipjaniNews: Ju jeni???
Dardan Syla: Unë jam Dardan Syla, jam anëtar i klubit të mundjes Prishtina.
LipjaniNews: Pse e keni zgjedhur pikërisht mundjen?
Dardan Syla: Arsyja pse e kam zgjedhur pikërisht këtë sport është se babai im dikur ka qenë kampion Europe e Bote dhe ajo ka qenë si një lloj shtytje për mua.
LipjaniNews: Saktësisht qe sa vite mirreni me këtë sport?
Dardan Syla : Unë me mundje merrem afersisht 5vite.
LipjaniNews: A mendoni që në Kosovë janë kushtet e përshtatshme për realizimin e këtij sporti?
Dardan Syla: Në kosovë nuk janë edhe aq kushtet e përshtatshme për të arritur në këtë sport por vullneti i madh e bën të veten.
LipjaniNews: Si fillon një ditë e juaja?
Dardan Syla: Fillimisht dita ime nis qysh në orët e hershme të mëngjesit kur filloj vrapimin në parkun e Gërmisë pastaj relaks në punë deri pasdite kur fillon stervitja në palestër.
LipjaniNews: Cili ka qenë suksesi më i madh deri më tani?
Dardan Syla: Suksesi më i madh deri tani ka qenë ai i kampionatit Europian ku unë arrita të radhitem i gjashti pastaj në Botëror i teti.
LipjaniNews: Sa kupa keni deri më tani?
Dardan Syla: Kupa dhe medalje kam shumë, të them të drejtën asnjëherë nuk i kam numëruar.
LipjaniNews: Cili është synimi juaj për të ardhmen?
Dardan Syla: Synimi im është të bëhem kampion bote dhe sigurisht korrja e nje suksesi në lojërat olimpike nën flamurin e shtetit tonë. Ju faleminderit për intervistën.
Albina Zeneli, LipjaniNews.info