Këngëtarja e njohur shqiptare, Dafina Zeqiri, ka publikuar klipin e saj të radhës.

Në vazhdën e këngëve të albumit të saj më të fundit, “Dafinë Moj”, këngëtarja po vizualizon shumë prej këngëve të tij.

“Ti dho krejt” është kënga e radhës, e cila është realizuar me një klip, por kësaj radhe në versionin animacion.

Foto: Dafina Zeqiri/Instagram

Kënga është ritmike e zhanrit RnB, për muzikën e së cilës ka punuar vet Dafina në bashkëpunim me Deard Sylejmanit.

Klipi i realizuar në versionin animacion, sjell këngëtaren në disa paraqitje mjaft atraktive, teksa në disa pjesë videoja e prezanton edhe si mbretëreshën Kleopatra të Egjiptit.

Për anën vizuale të këtij projekti muzikor është kujdesur produksioni Poka Studio. /Telegrafi/