Menaxheri i Chelseat, Antonio Conte ka lënë të kuptohet se liderët e Ligës Premier mund të shtojnë radhët e tyre me ndonjë transferim në afatin kalimtar të janarit.

N’Golo Kante, Michy Batshuayi, Marcos Alonso dhe David Luiz u bashkuan të gjithë para sezonit 2016-17, por me sa duket Oscar është në rrugë për tu transferuar në Kinë, dhe Conte është i gatshëm për të ri-hyrë në treg për të rritur shpresat e Chelseat për titull.

“Duhet të jemi shumë të kënaqur për arritjen qe kemi bërë tashmë, por është logjike që unë shoh me klubin tim për një zgjidhje, për të arritur në një pozitë të mirë në fund të sezonit”, ka thënë fillimisht Conte.

“Unë nuk e di se çfarë do të ndodhë në janar, por në këtë situatë është e rëndësishme për të folur me klubin tim. Ne kemi një marrëdhënie fantastike”, përcjell Telegrafi.

“Unë kam idenë time, por unë preferoj për të diskutuar këtë me klubin”, përfundoi trajneri italian. /Telegrafi/