Mesfushori është blerja e dytë pas Erling Haaland nga skuadra e Etihad Stadium

Manchester City ka arritur marrëveshje për transferimin e mesfushorit të Leeds United, Kalvin Phillips, ka arritur që të konfirmojë Goal me anë të burimeve të veta.

Kampionët e Premier Ligës do të paguajnë 42 milionë funte për anglezin me mundësi tre milionë të tjera me bonuse.

Mesfushori i ri premtues Darko Gyabi i City do të kalojë në Elland Road të Leeds në një marrëveshje me vlerë prej 5 milionë funte.

Kur do të finalizohet transferi i Phillips?

26 vjeçari, i cili vjen nga akademia e Leeds, ka qenë i pajtuar për një lëvizje në Etihad prej që Pep Guardiola e bëri të qartë interesimin për të.

Phillips për momentin është në pushime dhe pritet që të kthehet në korrik me transferin që do të konfirmohet shumë shpejt.

Ai do të bëhet nënshkrimi i dytë kryesor këtë  verë për City pas transferimit për 51 milionë funte të sulmuesit të Borussia Dortmund, Erling Haaland. /GazetaExpress