Qendërmbrojtësi 35-vjeçari i Juventusit, Giorgio Chiellini, ka bërë të ditur se Paulo Dybala po ndihet mirë, përkundër që Juventusi ishte i gatshëm ta shesë atë në Manchester United e Tottenham këtë verë dhe ende është në kërkim të ndonjë klubi të ri.
Bardhezinjtë kishin arritur marrëveshje për shitjen e Paulo Dybalas edhe me Manchester Unitedin, edhe me Tottenhamin. Mirëpo, argjentinasi i dështoi këto transferime me kërkesat e tij të shumta për klubet angleze, transmeton Gazeta Express.
Tani, afati kalimtar për klubet e Premierligës është mbyllur, por sipas burimeve të shumta italiane, kjo nuk e ka ndryshuar faktin që Juventusi ende e do Dybalan jashtë skuadrës për sezonin e ardhshëm.
Kapiteni i Juventusit, Chiellini, u pyet për situatën e Dybalas, i cili u kthye së fundi në stërvitjet e “Zonjës së Vjetër”.
“Paulo është i qetë, ai po ndihet mirë dhe nuk ka nevojë për këshillat e mia. Ai është një djalosh i madh. Disa gjëra të caktuara janë pjesë e këtij sporti. Ne jemi profesionistë dhe jemi të vetëdijshëm për këtë situatë”, u shpreh Chiellini.
Paris Saint-Germaini mbetet favoriti për transferimin e Dybalas, pasi që ata e kanë shprehur interesimin e tyre qysh nga fillimi i verës. Për më tepër, drejtori sportiv i këtij klubi, Leonardo, njihet si tifoz i argjentinasit.
Një tjetër kandidat është Bayern Munichu, të cilët e kishin kontaktuar për transferimin e Leroy Sanes. Transferimi i Sanes u dështoi gjermanëve pasi që futbollisti e pësoi një lëndim të rëndë që do ta mbajë jashtë fushës së blertë për disa muaj.
Opsioni më intrigues është Interi, pasi që mediat italiane kanë spekuluar që një kohë të gjatë për mundësinë e shkëmbimit të Dybalas me Mauro Icardin. Sipas Calciomercato, Juventusi do të kërkonte edhe një shumë të ulët parash si shtesë ndaj Icardit për shkëmbim me Dybalan, pasi që ky i fundit ka vlerë më të madhe. /Gazeta Express/