Mbrojtja e Juventusit ka një krizë para finales së Ligës së Kampionëve. Giorgio Chiellini është larguar nga stërvitjet gjatë ditës së mërkurë.
Italiani ka probleme fizike duke vënë në dyshim pjesëmarrjen e tij në superndeshjen e të shtunës në Berlin kundër Barcelonës.
30-vjeçari ka qenë vital për Bianconerët në fushatën e sivjetme evropiane dhe mosluajtja e tij do të ishte një goditje e rëndë për Zonjën e Vjetër.
“Chiellini është detyruar të largohet nga fusha me një dëmtim të kofshës së majtë”.
“Gjendja e tij do të ekzaminohet të enjten”, thuhet në një kumtesë të Juves. /Telegrafi/
