Chelsea vazhdon me fitore, s’i ndahet Liverpoolit në krye

PUBLIKUAR

Chelsea ka shënuar fitore të pastër në letër por shumë të vështirë në fushë kundër një Bournemouthi kokëfortë në Premierligë të shtunën.

Skuadra e Mauricio Sarrit vuajti shumë për të arritur te fitorja 2-0 ndaj Bournemouthit në “Stamford Bridge” në kuadër të javës së katërt të ligës elitare angleze, raporton Express.

Vendasit e dominuan skuadrën e Bournemouth në vazhdimësi, por vuajtën gjatë për ta gjetur rrjetën e portës.

Spanjolli Pedro, që ishte futur në lojë në minutën e 65-të, ua dhuroi epërsinë të kaltërve vetëm shtatë minuta më pas, duke shënuar nga vija e gjashtëmbëdhjetë-metershit.

Për ta vulosur fitoren e Chelseat u përkujdes Eden Hazard, që realizoi pesë minuta para fundit.

Kështu Chelsea ruan bilancin e saktë prej katër fitoreve në katër ndeshjet e para, duke grumbulluar 12 pikë aq sa edhe Liverpooli në krye. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...