Drejtoresha e klubit të Chelseat, Marina Granovskaia, pritet të takohet me agjentin e Miralem Pjanicit dhe Daniele Ruganit, shkruan Calciomercato.
Granovskaia është nisur për Itali ku do ta takojë Fali Ramadanin, shqiptari i cili është agjenti i dy lojtarëve për të cilët klubi londinez është i interesuar, transmeton Gazeta Express.
Pjanici ka kërkuar qëndrimin në Juventus, mirëpo agjenti i tij insiston që ai të largohet nga ‘Zonja e Vjetër’.
Për mesfushorin boshnjak ka shfaqur interesim të madh edhe Manchester City, ndërsa Juventusi i kërkon 100 milionë euro për ta lëshuar lojtarin. /Gazeta Express/


