Legjenda e Chelseat, John Terry është në vitin e fundit të kontratës me klubin londinez.

Por klubi anglez nuk po humb kohë dhe ka gjetur zëvendësimin e kapitenit të tyre legjendar.

Sipas mediave angleze, është mbrojtësi gjerman, Niklas Sule që shihet si zëvendësim i Terryt në Chelsea.

Gjermani 21-vjeçar është duke kaluar nëpër një formë jetësore me skuadrën e tij Hoffenheim në Bundesliga.

E për ta transferuar atë në Londër, është dhënë edhe miratimi i trajnerit Antonio Conte.

Chelsea duhet të paguajë rreth 30 milionë funte për transferimin e Sules në ‘Stamford Bridge’. /Telegrafi/