Chelsea eliminon skuadrën e Atdhe Nuhiut nga FA Cup

PUBLIKUAR

Chelsea ka kaluar sonte në 1/8-ën e finales ku ka mposhtur skuadrën e Championship, ku luan sulmuesi i Kosovës, Atdhe Nuhiu, Sheffield Wendesday

Chelsea nuk ka lejuar befasi në ndeshjen e rrethit të katër të FA Cup, ku ka mposhtur skuadrën e Sheffield Wendesday.

Në këtë ndeshje nga minuta e parë ka startuar edhe i porsaardhuri tek Chelsea, Gonzalo Higuain por që nuk pati impak të madh në ndeshjen e tij të parë me Blutë.

Pjesa e parë ishte shumë më e mirë për Chelsean të cilët edhe kaluan në epërsi në minutën e 26-të, ku nga penalltia shënoi Willian.

Chelsea ka mundur për ta dyfishuar epërsinë, por Sheffield arritën të mbrohen mirë në 45 minutat e parë.

Në pjesën e dytë Chelsea prapë ishin më të mirë dhe arritën që të shënojnë dy gola.

Fillimisht në minutën e 64-të shënon një gol të bukur Hudson-Odoi, ndërkaq disa minuta më vonë vjen edhe goli i tretë.

Ishte përsëri Willian i cili shënon një gol të bukur pasi që asistohet në minutën e 83-të nga sulmuesi Olivier Giroud.

Në këtë ndeshje Nuhiu luajti 17 minuta pasi që hyri në minutën e 75-të në vend të Boyd por që nuk arriti që të lë impakt në këtë ndeshje. /GazetaExpress/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...