Meteorologu Mendim Rugova ka paralajmëruar se pas temperaturave të larta të gushtit, shtatori mund të sjellë mot më të freskët dhe më shumë reshje.

Në Klan Kosova, Rugova tha se sidomos pjesa e dytë e shtatorit mund të karakterizohet nga ndryshime të motit dhe reshje më të theksuara.

“Pjesa e dytë e shtatorit mundet me pas mandej një ndryshim, meqenëse vetëm po shkojmë nga muajt, nga muajt vjeshtorë. Po, në bazë edhe të parashikimeve më afatgjata, pas këtyre parashikimeve sezonale që janë kalkuluar në fillim të muajit të gushtit, me gjasë pritet me pas më shumë të reshura mandej gjatë vjeshtës, meqenëse gushti po është i thatë, edhe pse korriku ka qenë goxha i lagësht, së paku sa i përket Prishtinës”, tha Rugova.