Raporti nga Policia e Kosovës
RAJONI I PRISHTINËS
INCIDENTET KRIMINALE
Raport shtesë:
SHKAKTIM I RREZIKUT TË PËRGJITHSHËM
Lagjja Emshir, Prishtinë 25.06.2014 – 17:15. Lidhur me rastin me 30.06.2014 pas hetimeve të zhvilluara është arrestuar i dyshuari mashkull K-Shqiptar dhe me urdhër të prokurorit dërgohet në mbajtje.
MBAJTJE NË PRONËSI APO SHFRYTËZIM I PAAUTORIZUAR I ARMËS
Rr. “Xhemë Elezi”, Prishtinë 30.06.2014 – 21:30. I dyshuari mashkull K/Shqiptar ka dorëzuar një pushkë (Karabinë) kalibrit 7.64 mm. Arma është konfiskuar, ndërsa pas intervistimit me urdhër të prokurorit i dyshuari është liruar, rasti shkon në procedurë të rregullt.
Prishtinë 30.06.2014 – 21:40. Njësiti policor gjatë kontrollimit të veturës së të dyshuarit mashkull K/Shqiptar i është gjetur dhe konfiskuar një revole “Brovink M57” me gjashtë fishek të kalibrit 7.62 mm prodhim Belg. Pas intervistimit me urdhër të prokurorit i dyshuari është liruar, rasti shkon në procedurë të rregullt.
PENGIM I PERSONIT ZYRTAR NË KRYERJE TË DETYRËS ZYRTARE
Rr. “Dëshmorët e Kombit”, Prishtinë 30.06.2014 – 17:40. Është arrestuar i dyshuari K/Shqiptar pasi i njëjti kishte penguar zyrtarin policor, i cili ia kishte tërhequr vërejtjen të dyshuarit që kishte parkuar veturën në trotuar. Pas intervistimit me urdhër të prokurorit i dyshuari është liruar dhe rasti shkon në procedurë të rregullt.
INCIDENTET TJERA /NGJARJET
AKSIDENT TRAFIKU ME LËNDIME
Fshati Llazarevë, Obiliq 30.06.2014 – 15:52. Raportohet se i dyshuari mashkull K-Shqiptar duke mos e përshtatur shpejtësinë e lëvizjes humb kontrollin mbi veturën dhe del jashtë rrugës dhe rrokulliset. Si pasojë e aksidentit përveç dëmeve materiale lëndime të rënda pëson ngasësi i cili dërgohet ne QKUK.
Fshati Trestenik, Drenas 30.06.2014 – 15:15. Është arrestuar i dyshuari mashkull K/Shqiptar pasi që i njëjti me VW kombi me targa vendore nga pakujdesia ka goditur dy këmbësoret viktima femra K/Shqiptare të cilave u ka shkaktuar lëndime trupore. Këmbësorët janë dërguar në emergjencë e Drenasit për tretman mjekësor. Me urdhër të prokurorit i dyshuari është dërguar në mbajtje.
MJET I DYSHUAR EKSPLODUES
Fshati Prapashticë, Prishtinë 30.06.2014 – 18:45. Ankuesi mashkull K-Shqiptar ka raportuar se ka hasur në një mjet të dyshuar eksplodues predhë minahedhësi. Njësiti policor është duke bërë sigurimin e vendit të ngjarjes derisa të arrijë njësiti për deminim.
RAJONI I GJILANIT
INCIDENTET KRIMINALE
Shtesë:
MBAJTJE, KONTROLL OSE SHFRYTËZIM I PAAUTORIZUAR I ARMËS
Fshati Kuvcë e Ulët, Gjilan 29.06.2014 – 21:15. Me urdhër të prokurorit është kontrolluar shtëpia e të dyshuarit mashkull K/Shqiptar ku është gjetur dhe konfiskuar një pushkë gjuetie e prodhimit turk dhe dy gëzhoja të cal. 12 mm. e cila armë dyshohet të është përdorur në rastin në fjalë. Pas intervistimit i dyshuari është liruar dhe rasti shkon në procedurë të rregullt.
INCIDENTET TJERA /NGJARJET
ARRESTIM I PERSONIT TË KËRKUAR
Fshati Verban, Viti 30.06.2014 – 15:00. Në bazë të urdhëresës së gjykatës është arrestuar i dyshuari mashkull K/Shqiptar dhe i njëjti është dërguar në vuajte të dënimit në burgun e Lipjanit.
RAJONI I FERIZAJT
INCIDENTET KRIMINALE
PËRDORIMI I ARMËS APO MJETIT TË RREZIKSHËM
Rr. “Kemajl Hetemi”, Ferizaj 30.06.2014 – 16:00. Janë arrestuar dy të dyshuar meshkuj K/Shqiptarë, pasi që të njëjtit kishin sulmuar fizikisht njërit tjetrin dhe njëri nga të dyshuarit kishte shtënë dy herë me revole në tokë. Deri tek incidenti ka ardhur si pasojë e një kontesti pronësor në mes të dyshuarve. Është konfiskuar pistoleta “Zastava” e kalibrit 7.65 mm. Me urdhër të prokurorit pas intervistimit të dyshuarit janë dërguar në mbajtje.
RAJONI I PRIZRENIT
INCIDENTET KRIMINALE
KEQPËRDORIM I POZITES APO AUTORITETIT ZYRTAR
Prizren 30.06.2014 – 12:30. Janë arrestuar tre të dyshuar meshkuj K-Shqiptarë, pasi që të njëjtit kanë kërkuar nga ankuesi 1300 euro për t’i mundësuar të hyjë në test për patentë shofer në vend të kushëririt të tij i cili gjendet në Gjermani. Ankuesi është ndalur duke hyrë në test. Me urdhër të prokurorit të dyshuarit dërgohen në mbajtje.
INCIDENTET TJERA /NGJARJET
AKSIDENT TRAFIKU ME LËNDIME
Fshati Nashec, Prizren 30.06.2014 – 22:00. Vozitësi mashkull K/Shqiptar me veturë civile nga pakujdesia ka shkaktuar vetë-aksident trafiku. Si pasojë e aksidentit, lëndime trupore ka pësuar vetë vozitësi dhe pasagjerja femër K/shqiptare. Viktimat pas tretmanit mjekësor në spitalin e Prizrenit, janë liruar në shtëpi. Rasti në procedurë të rregullt.
ARRESTIM I PERSONIT TË KËRKUAR
Fshati Krushicë, Suharekë 30.06.2014 – 13:30. Në bazë të urdhëresës së lëshuar nga Gjykata Themelore në Prizren, dega në Suharekë, është arrestuar i dyshuari mashkull K-Shqiptar dhe i njëjti dërgohet në vuajtje të dënimit në burgun e Prizrenit.
Fshati Gexhe, Rahovec 30.06.2014 – 12:00. Në bazë të urdhëresës së lëshuar nga Gjykata Themelore në Prizren, dega në Rahovec, është arrestuar i dyshuari mashkull K-Shqiptar dhe i njëjti dërgohet në vuajtje të dënimit në burgun e Prizrenit .
RAJONI I PEJËS
INCIDENTET KRIMINALE
LËNDIM I LEHTË TRUPOR
Fshati Potorq, Pejë 29.06.2014 – 20:55. Raportohet se janë arrestuar tre të dyshuarit meshkuj, pasi që të njëjtit pas një mosmarrëveshje kanë sulmuar fizikisht dy viktimat një mashkull K/Shqiptar dhe një femër K/Shqiptare. Viktimat kanë pranuar tretman mjekësor, ndërsa njëri nga të dyshuarit me vendim të prokurorit është dërguar në mbajtje dhe dy të tjerët janë liruar.
KANOSJE
Rr. “Armend Kukleci”, Pejë 30.06.2014 – 22:50. Është arrestuar i dyshuari K/Shqiptar pasi që i njëjti kishte dërguar sms kërcënuese dhe i njëjti kishte hyrë në oborrin e viktimave, njëra femër kosovare. Pas intervistimit me urdhër të prokurorit i dyshuari është dërguar në mbajtje.
VJEDHJE E PYLLIT
Deçan 30.06.2014 – 08:20. Njësiti policor ka ndaluar të dyshuarin mashkull K-Shqiptar pasi që i njëjti me kamionin e tij po bart lëndë drusore. I dyshuari është arrestuar dhe me urdhër të prokurorit i dyshuari dërgohet në mbajtje.
Raport shtesë:
LËNDIM I LEHTË TRUPOR
Fshati Dranoc, Deçan 29.06.2014 – 20:30. Lidhur me rastin pas hetimeve të zhvilluara sot me 30.06.2014 është arrestuar edhe i dyshuari i dytë mashkull K-Shqiptar dhe me urdhër të prokurorit dërgohet në mbajtje.
ASGJËSIM APO DËMTIM I PASURISË
Rr. “Heroit e Dukagjinit”, Pejë 25.06.2014 – 16:10. Me 30.06.2014 janë arrestuar dy të dyshuar meshkuj K/Shqiptarë, pas një mosmarrëveshje të mëhershme në mes tyre lidhur me dëmtimin e një rrethoje të ballkonit dhe thyerjen e një xhami të derës. Pas intervistimit me urdhër të prokurorit të dyshuarit janë dërguar në mbajtje.
INCIDENTET TJERA /NGJARJET
AKSIDENT TRAFIKU ME LËNDIME
Afër PKK Kullë, Pejë 30.06.2014 – 18:06. Vozitësi mashkull me veturë civile nga pakujdesia ka shkaktuar vetëaksident trafiku. Si pasojë e aksidentit, lëndime trupore ka pësuar pasagjerja femër shqiptare . Viktima është dërguar në spitalin e Pejës për tretman mjekësor. Njësiti përkatës policor është duke hetuar rastin.
ARRESTIM I PERSONIT TË KËRKUAR
Rr. “Mbretëresha Teutë”, Pejë 30.06.2014 – 09:30. Në bazë të urdhëresës së lëshuar nga Gjykata Themelore në Pejë është arrestuar i dyshuari mashkull K-Shqiptar dhe i njëjti pasi ka kryer obligimet ndaj gjykatës është liruar.
Rr. “Abedin Rexha”, Klinë 30.06.2014 – 09:30. Në bazë të urdhëresës së lëshuar nga Gjykata Themelore në Pejë, dega në Klinë, është arrestuar i dyshuari mashkull K-Shqiptar dhe i njëjti është dërguar në vuajtje të dënimit ne burgun e Dubravës.
MJET I DYSHUAR EKSPLODUES
Istog 30.06.2014 – 12:00. Ankuesi mashkull K-Shqiptar ka raportuar se ka hasur në një mjet të dyshuar eksplodues të kategorisë “D-4”. Njësiti policor është duke bërë sigurimin e vendit të ngjarjes, derisa njësiti për deminim i FSK-së ka bërë shpërthimin e mjetit të dyshuar në mënyrë të kontrolluar.
RAJONI I MITROVICËS
INCIDENTET KRIMINALE
PRODHIM DHE PËRPUNIM I PAAUTORIZUAR I NARKOTIKËVE
Fshati Qitak, Skenderaj 30.06.2014 – 13:00. Njësiti i Krimeve të rënda në Mitrovicë me urdhër të gjyqtarit të procedurës paraprake ka bastisur shtëpinë e të dyshuarit mashkull K-Shqiptar si dhe objektet përcjellëse, ku janë gjetur dhe janë konfiskuar 13 bimë të llojit “Kanabis Sativa”, një sasi e dyshuar narkotike e llojit marihuanë, një paketim me letra rizlla si dhe katër qese plasmasti të zbrazëta. I dyshuari është arrestuar dhe me urdhër të prokurorit dërgohet në mbajtje.
Fshati Leqinë, Skenderaj 30.06.2014 – 19:45. Njësiti i Krimeve të rënda në Mitrovicë me urdhër të gjyqtarit të procedurës paraprake ka bastisur shtëpinë e të dyshuarit mashkull K-Shqiptar si dhe objektet përcjellëse, ku janë gjetur dhe konfiskuar katër (4) bimë të llojit “Kanabis Sativa”, katër (4) paketime me peshë rreth tre kilogramë e treqind gramë (3.300 Kg). I dyshuari është arrestuar dhe me urdhër të prokurorit dërgohet në mbajtje.
INCIDENTET TJERA /NGJARJET
MJET I DYSHUAR EKSPLODUES
Fshati Gllavotinë, Vushtrri 30.06.2014 – 16:30. Ankuesi mashkull K-Shqiptar ka raportuar se ka hasur në një mjet të dyshuar eksplodues. Njësiti policor ka bërë sigurimin e vendit të ngjarjes, derisa rreth orës 23:00 njësia e FSK-së për deminim kanë marrë me veti mjetin e dyshimtë granatë dore tipit “A6”. Nuk raportohet për ndonjë incident.
RAJONI I MITROVICËS – VERI
INCIDENTET KRIMINALE
Asgjë e veçantë për të raportuar.
POLICIA KUFITARE
INCIDENTET KRIMINALE
KONTRABANDIM I MALLRAVE
Fshati Shkozë, Prizren 30.06.2014 – 06:05. Raportohet se njësiti policor gjatë një pike kontrolli ka vërejtur se tre të dyshuar meshkuj K-Shqiptarë bënin shkarkimin dhe ngarkimin e mallit- gjashtë tuba fleta të duhanit rreth 80 kg, paketim (239×104) të llojit “Perlodent” dhe paketim (40×6) të llojit “Kukident”. Malli është konfiskuar dhe pas intervistimit me urdhër të prokurorit të dyshuarit lirohen, rasti shkon në procedurë të rregullt.
QËNDRIM I KUNDËRLIGJSHËM
Fshati Xërxe, Rahovec 28.06.2014 – 23:50. Raportohet se janë iniciuar rastet për qëndrim të kundërligjshëm ndaj katër të dyshuarave femra shqiptare, shtetase të Shqipërisë, ku ndaj të njëjtave është shqiptuar masa e dënimit me të holla.