Cesc Fabregas mund të pensionohet nga futbolli profesionist pasi u njoftua zyrtarisht për largimin e tij nga Monaco.
Spanjolli i kaloi tri sezone e gjysmë në principatë, teksa tani ai po mendon rreth të ardhmes së tij, transmeton Gazeta Express.
“Sky Sport Italia” ka raportuar se pensionimi i plotë nga futbolli mbetet një opsion për Fabregasin. Ky vendim mund të merret për shkak të problemeve të tij të fundit me lëndimet, të cilat mund ta shtynë drejt varjes së këpucëve.
35-vjeçari bëri vetëm pesë paraqitje në të gjitha garat për Monacon gjatë sezonit 2021/22.
Para kalimit te Monaco, Fabregas ishte pjesë e Chelseat. Ai më herët ka luajtur edhe te Barcelona e Arsenali. /Gazeta Express/
