Menaxheri i Arsenalit, Arsene Wenger, ka konfirmuar se Santi Cazorla pritet të mungojë afro katër muaj pas dëmtimit të ligamentit të gjurit.

Strategu francez ka treguar se mesfushori ka zgjedhur të bëjë ndërhyrje kirurgjike, pas lëndimit që pësoi në ndeshjen e 29 nëntorit kundër Norwich Cityt.

“Santi deshi një mundësi për t’u kthyer më shpejt, prandaj nuk dëshironte t’i dëgjojë 25 opinione”.

“Ai vendosi menjëherë. Mjeku tha: ‘Shikoni, është e qartë. Është shqyerje e ligamentit të jashtëm të gjurit’. Ndërsa Santi tha: ‘Në rregull, le ta bëjmë menjëherë’”.

“Nuk do të mungojë gjithë sezonin. Do të mungojë tre muaj, ndoshta katër”, ka deklaruar Wenger. /Telegrafi