Edinson Cavani është duke iu afruar kalimit te Real Sociedadi me rastit e përfundimit të kontratës me Manchester Unitedin në fund të këtij sezoni.
35-vjeçari ka oferta të shumta, ndërkohë që i afrohet fundit të qëndrimit të tij 18 mujor në Old Trafford (më 30 qershor i skadon kontrata), kurse thuhet të ketë mbajtur takim ne klubin nga La Liga.
Interi është ndër klubet që kanë shprehur interesim për zëvendësimin e Alexis Sanchez, ndërsa River Plate planifikon ta kthejë në Amerikën Jugore.
(Foto: Instagram/cavaniofficial21)
Klubi argjentinas dukej favorit për nënshkrimin e uruguaianit para se të përfshihej në garë Sociedadi, raporton The Sun.
Cavani është duke luajtur gjithnjë e më pak për Djajtë e Kuq prej se u kthye Cristiano Ronaldo dhe ka shënuar vetëm dy gola dhe ka dhuruar një asistim në 17 paraqitje këtë sezon. /Telegrafi/
