Roberto Carlos e ka quajtur Neymarin “fenomen”, edhe pse pranon se ai është prapa dyshes më të mirë në botë, Lionel Messi dhe Cristiano Ronaldo.

“Neymar është fenomen. Ai i është adaptuar futbollit evropian shumë shpejt. Ai ka bërë disa paraqitje të shkëlqyeshme me Barcën dhe me Selecaon”.

“Puna është se Messi dhe Cristiano Ronaldo po bëhen më të mirë çdo ditë. Neymar përpiqet të arrijë nivelin e tyre, por secilën herë që ai u afrohet ata vetëm bëhen më të mirë”.

“Andaj, për mendimin tim tre lojtarët më të mirë në botë këtë sezon ishin Cristiano, Messi dhe Neymar”, ka deklaruar Carlos.

Neymar ka të shënuara 42 në 60 paraqitje për Brazilin, duke u rreshtuar në vendin e pestë të golashënuesve më të mirë të të gjitha kohërave të kombëtares. /Telegrafi/