Kardiokirurgu nga QKUK-ja, Leonard Bytyqi, ka thënë se është shqetësuese ikja e mjekëve nga Kosova.

Bytyqi potencoi se në repartin ku punon ka mungesë të lartë të anesteziologëve, dhe që të njëjtit janë të ngarkuar me shumë punë, njofton Klankosova.tv.

“Puna e ikjes së mjekëve është bërë evidente dhe është si me thënë emergjencë kombëtare. Sa i përket mungesës së anesteziologëve, ikjes së tyre prej Kosovës sidomos prej repartit në Kardiokirurgji i kem nëse nuk gaboj 5 anesteziologë dhe të cilët janë të mbingarkuar me punë dhe me kushte dhe me orare të stërzgjatura, për shkak se kanë edhe salla të tjera”, është shprehur Bytyqi në Info Magazine të Klan Kosovës.

Ai theksoi se normalisht duhej të ishin në punë mbi 8 anesteziologë.

“Prandaj diku mbi 8 anesteziologë ish kanë ideale për m’i mbajt dy salla çdo ditë dhe eventualisht tri me urgjencë”.