Buxheti i Komunës Lipjanit 311,422.66 euro më pak - LipjaniNews

Buxheti i Komunës Lipjanit 311,422.66 euro më pak

PUBLIKUAR

04/05/2015

LipjaniNews.com

Lipjan..4-708x350-708x350

Nën udhëheqjen e kryetarit të komunës së Lipjanit, Imri Ahmeti, Këshilli i Drejtorëve, sot ka mbajtur mbledhjen konsultative të së hënës.

Shefi i Ekzekutivit, Imri Ahmeti, ndër shumë çështje të tjera, tha se ekzekutimi i mjeteve nga ana e Thesarit e ka dëmtuar buxhetin e komunës së Lipjanit. Po ashtu, ai tha se ekzekutimi i mjeteve është pasojë e qeverisjes së kaluar.

“ 311,422.66 euro të ekzekutuara nga Thesari, e kanë dëmtuar rëndë buxhetin e komunës së Lipjanit, ky ekzekutim i dhunshëm nga Thesari është produkt i keqqeverisjes së kaluar”, ka thënë Ahmeti.

Kryetari Ahmeti, po ashtu në mbledhjen e KD, ka kërkuar shtim të intensitetit të punëve, veçanërisht projekteve të mbetura në gjysmë, njofton Komuna e Lipjanit.

SHIKO MË SHUMË