Sergio Busquets mund të vazhdojë qëndrimin në “Camp Nou” edhe për më gjatë.
Mesfushori spanjoll ka kontratë të vlefshme me Barcelonën deri në fund të këtij sezoni, teksa e ardhmja e tij vazhdon të jetë ende e paqartë, transmeton Gazeta Express.
Për Busquetsin vazhdimisht u raportua se do të largohet pasi t’i skadojë kontrata, teksa u lidhe me një kalim në MLS.
Duke marrë parasysh situatën me kontratën e tij, kapiteni i Barçës që nga janari është i lirë të nënshkruajë para-kontratë me klubet e tjera.
Megjithatë, sipas “AS”, Barcelona dëshiron të rinovojë kontratën me 34-vjeçarin.
Mediumi spanjoll raportoi se “Blaugranët” planifikojnë t’i ofrojnë kontratë një-vjeçare Busquetsit.
Xavi thuhet se ende e konsideron ish-reprezentuesin spanjoll një anëtar të domosdoshëm të skuadrës. /Gazeta Express/