Kryetari i Partisë Demokratike të Kosovës, dega në Lipjan ,z. Shukri Buja, me rastin e festës së ,Fitër –Bajramit, uron kreun e Bashkësisë Islame Lipjan si dhe të gjithë besimtarët e besimit islam të komunës sonë.

“Të nderuar besimtarë, më lejoni që në emrin tim dhe të gjitha strukturave të PDK-së, në Lipjan ,me rastin e përfundimit të muajit të Shenjtë të Ramazanit t`ju uroj që Zoti i Lartësuar t`ua pranojë agjërimin dhe të gjitha veprat e mira gjatë këtij muaji të bekuar dhe gjithashtu t`ju shpërblejë me të mirat e Tij juve dhe familjeve tuaja. Uroj që kjo festë të përcillet jo vetëm me urime të mira e vizita tek të afërmit por edhe me vepra të mira, sepse kjo ditë është ditë e mëshirës, faljes, mirëkuptimit, mirësisë dhe paqes. Unë sëbashku me strukturat organizative dhe anëtarësinë e PDK-së do të angazhohemi, që të gjithë së bashku të lutemi dhe të punojmë për zhvillimin dhe ngritjen e mirëqenies sociale dhe ekonomike të qytetarëve lipjanas”, thuhet në urimin e z.Buja.