Gianluigi Buffon pret një Serie A më ndryshe se viteve të kaluara, teksa ka paralajmëruar Juventusin se do ta ketë të vështirë rrugëtimin për te titulli i gjashtë me radhë i Scudettos.
Portieri dhe kapiteni i Juventusit, Gianluigi Buffon, pas barazimit 1:1 me Romën dhe fitores pas ekzekutimit të penaltive, tha për “Mediaset Premium”, se Serie A do të jetë më ndryshe këtë edicion.
Buffon mendon se “Zonja e Vjetër” do ta ketë më të vështirë këtë edicion të arrijë te Scudetto, pasi janë forcuar Roma, Inter e Milan – që i sheh si rival direkt për titull.
“Ky do të jetë vit i vështirë për Juventusin, sepse shumë ekipe janë forcuar, si Roma, Inter dhe Milan, derisa Napoli ka mbajtur yjet e saj”, tha Buffon.
“Ne besojmë në aftësitë tona që na kanë sjell këtu ku jemi sot dhe besojmë se edhe më tej kemi për të dhënë”, shtoi Buffon. /Gazeta Express/
