Giovani Arrivoli, 41 vjeç, ishte qëlluar tre herë dhe ishte varrosur në një hendek në afërsi të Napolit. Ai rezultonte i humbur prej tre ditësh.
Arrivoli ishte qëlluar tre herë, dy herë në kokë sipas një stili vrasjeje që për policinë përbënte një ekzekutim.
41-vjeçari që kishte lindur femër, iu nënshtrua kirurgjisë për t’u kthyer në mashkull dhe ishte një anëtar kryesor i familjes kriminale të zonës të Pagato Amato-s, njofton Mirror, transmeton syri.net.
E dashura e tij kishte njoftuar për humbjen e tij, me të cilën ai synonte të martohej dhe pas tre ditësh, policia e gjeti trupin e tij, në 13 maj, kur mediat lokale shkruanin se kishte pasur shenja që ai ishte torturuar dhe detyruar të gjunjëzohej para se të vritej.
Policia nuk ka dhënë deri tani asnjë shpjegim për vrasjen e Arrivoli-t, që ka në pronësi një kafe Blue Moon në Melito të Napolit, ku familja kriminale zhvillon pjesën më të madhe të biznesit.
Sipas teorive të vrasjejes, ato shkojnë nga një vrasje prej bandave rivale prej një pazari droge që ka shkuar keq deri tek paralajmërimi i vëllait të vogël të Arrivoli-t, Carmine Borrelo-s, që thuhej se kishte ngritur një bandë rivale. Arrivoli ishte liruar nga burgu në vitin 2012.
