Bonucci pasi u fishkëllye në Milano: Nëna e budallait është gjithmonë shtatzënë

PUBLIKUAR

Qendërmbrojtësi italian, Leonardo Bonucci, ka reaguar pas pritjes me fishkëllima që i bënë tifozët italianë në San Siro, gjatë ndeshjes kundër Portugalisë, duke thënë se për të është më e rëndësishme ta ketë mbështetjen e bashkëlojtarëve.

Bonucci ishte transferuar gjatë verës së vitit 2017 në Milan nga Juventusi. Kuqezinjtë ia kishin dhënë menjëherë atij shiritin e kapitenit, por këtë verë italiani dëshiroi të kthehet përsëri te “Zonja e Vjetër” pasi që nuk ishte i lumtur në Milan.

Trajneri i Juventusit, Massimiliano Allegri, e la Leonardo Bonuccin në bankën rezervë për ndeshjet kundër Milanit në San Siro, në mënyrë që italiani të mos duhet të përballet me një pritje të tillë, transmeton Gazeta Express.

Mirëpo, përderisa ai i shpëtoi fishkëllimave një herë, nuk arriti ta bëjë këtë gjë edhe gjatë ndeshjes së shtunës, kur Italia u përballë me Portugalinë në San Siro, dhe Bonucci e përfaqësoi vendin e tij.

Nëna e budallait është gjithmonë shtatzënë. Unë e kam besimin e bashkëlojtarëve dhe kjo gjë është e rëndësishme për mua”, ka thënë Bonucci pas ndeshjes.

Italia mori barazim pa gola në këtë ndeshje kundër Portugalisë. Kjo pikë i mjaftoi portugezëve për t’u shpallur fitues të Grupit 3. Italianët do të përballen me Shtetet e Bashkuara të Amerikës për një ndeshje miqësore të martën. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...