Mediat italiane raportojnë se kapiteni i Milanit, Leonardo Bonucci, është i hapur për të kaluar në Paris Saint-Germain, edhe se nuk duket të jetë i joshur nga Manchester Unitedin.
Lajmi së pari u bë i ditur nga mediat në Paris, dhe tani është duke bërë bujë në ato italiane, transmeton Gazeta Express.
Gazzetta dello Sport, Correire dello Sport dhe Sportitalia pohojnë se është e vërtetë që qendërmbrojtësi italian e dëshiron kalimin në kryeqytetin francez.
Gjithsesi Milani pritet t’i shesë disa nga emrat e mëdhenj pas përjashtimit nga Europa League, pasi i ka shkelur rregullat e Financial Fair Play.
Bonucci u transferua në Milan nga Juventusi para një viti për 42 milionë euro, por sipas Calciomercato.it ai tani do të kushtojë 35 deri 40 milionë euro.
Ndërkohë, raportohet se Unitedi është shumë i interesuar për të, por oferta e tyre nuk e josh atë. /Express/


