Blloku politike VLAN, edhe njëherë ia kanë bërë të qartë partisë së Hashim Thaçit se nuk do të hyjë në marrëveshje me asnjë formë me PDK-në.

Duke ju referuar thirrjeve të nënkryetarit të PDK-së, Arsim Bajramit, i cili publikisht kërkoi nga katër liderët politik që të reflektojë dhe të arrijnë marrëveshje me PDK në kompromis që pozita e kryetrarit t’i takojë Isa Mustafës, derisa ajo e Kryeministrit Hashim Thaçit, Ismet Beqiri i LDK-së, tha se në asnjë formë nuk do të hyjnë në marrëveshje të tilla me PDK-në. Madje ai i kërkoi partisë së Thaçit që t’i hap rrugë bllokut për krijimin e institucioneve dhe në këtë mënyrë PDK të kalojë në opozitë.

Blloku ka kërkuar edhe njëhere sot nga kryesuesja e seancës Flora Brovina që në seancën e radhës të Kuvendit që do të mbahet me 2 dhjetor të lejoj debat parlamentarë. Kjo kërkesë e bllokut erdhi pas takimit të radhës që kanë zhvilluar katër liderët politik, Isa Mustafa i LDK-së, Ramush Haradinaj i AAK-së, Albin Kurti i VV-së dhe Fatmir Limaj i Nismës. Ramush Haradainaj tha pas takimit se kryesuesja e seancës duhet të lejojë debatin parlamentar në seancën e 2 tetorit.

Ndërkaq, Ramush Haradinaj edhe njëherë bëri të qartë se Blloku është kundër zgjedhjeve të reja të jashtëzakonshme. Ai tha se partia e Thaçit mund të organizojë zgjedhje sa herë të dëshiron, por la te kuptohet se ato do të bojkotohen nga subjektet e bllokut.