Drejtoresha e Shëndetësisë në Komunën e Lipjanit, Dr Merita Bytyqi përmes një postimi në facebook ka treguar gjendjën me Covid-19 në Komunën e Lipjanit nga dita e parë e pandemisë.

Sipas Dr.Bytyqit në total nga dita zero e Pandemisë deri më sot gjithsejt 338 raste pozitive dhe 245 të shëruar, transmeton LipjaniNews.

Postimi i plotë:

Raport javor Covid-19 në Komunën tonë!

Qytetarë të nderuar, edhe këtë javë që lamë pas, për fat të mirë kemi rënje të lakorës së rasteve të reja të infektuara në Covid-19!
Nga rezultatet zyrtare të konfirmuara nga IKSHPK, këto 7 ditë rezultuan gjithsejt 11 raste të reja pozitive nga 49 qytetarë të testuar, ndërsa 26 të tjerë u shëruan!
Në total nga dita zero e Pandemisë deri më sot kemi gjithsejt 338 raste pozitive dhe 245 të shëruar! Numër zyrtar të atyre që humben jetën nuk kemi, por për ata që e dimë nga burimet jozyrtare, Drejtoria e Shëndetësisë në Lipjan ju shpreh ngushëllimet më të sinqerta më të dashurëve të tyre, ndërsa të gjithë të infektuarëve i’u uron shërim të shpejt!