Sipas të dhënave të fundit nga Instituti Kombëtar i Shëndetësisë Publike të Kosovës, numri i rasteve me koronavirus në Kosovë aktualisht është 70.

Derisa, në gjithë vendin në 24 orët e fundit janë regjistruar shtatë raste të reja me Covid, transmeton Insajderi

Prej fillimit të vaksinimit në të gjitha qytetet e Kosovës janë dhënë 1.835.964 doza të vaksinës, ku me dozën e parë janë vaksinuar 904,256 qytetarë.

Deri më sot 824.630 qytetarë janë vaksinuar me dozën e dytë, ndërsa janë dhënë 105.111 doza të treta të vaksinës kundër COVID-19.

Kurse, me dozën e katërt janë vaksinuar vetëm 1,775 persona.