Skuadra australiane Brisbane Roar, është ende në kërkim të zëvendësuesit të kosovarit të larguar, Besart Berisha. Në vazhdën e hulumtimeve, australianëve u ka rënë në sy bashkëlojtari i Astrit Fazliut te Shkëndija, Mensur Kurtishi.

Siç njofton sajti i njohur ‘Goal.com’, ish-klubi i Berishës është gati për të kompletuar operacionin e transferimit të Kurtishit, i cili ka kontratë afatshkurtre me Shkëndijën, transmeton Tribuna.

Zhvillime të reja rreth transferimit të mundshëm të shqiptarit Kurtishi në Australi, pritet të ndodhin gjatë ditëve në vazhdim. Ndryshe, Berisha ka kaluar te skuadra rivale e Brisbane Roarit, Melbourne Victory. /Telegrafi/