Lazio ka arkëtuar pikë të plota në ndeshjen e parë të sezonit të ri në Serie A.
Biancocelestët regjistruan fitore prej 2-1 kundër Bolognas në Stadio Olimpico.
Vendasit krijuan epërsi të dyfishtë me golat e Lucas Biglia (17’) dhe Ricardo Kishna (23’).
Pa përfunduar pjesa e parë, Matteo Mancosu e ngushtoi epërsinë me golin e vetëm për mysafirët (43’).
Në fraksionin e dytë, asnjëra nga skuadrat nuk shënoi gol dhe ekipi nga kryeqyteti italian doli triumfues nga ky duel.
Në këtë takim, portieri shqiptar, Etrit Berisha, u angazhua nga minuta e parë për Lazion. /Telegrafi/
