Portieri kosovar është i pakënaqur në Bergamo, prandaj pritet të largohet nga Atalanta gjatë kësaj vere
Etrit Berisha mund të largohet gjatë kësaj vere nga Atalanta, shkruan Gazeta Express.
Portieri kosovar ka përfunduar në bankinë në sezonin e fundit dhe për këtë fakt ndihet i pakënaqur.
Përfaqësuesi shqiptar duket se i ka bërë valixhet gati dhe po e kërkon një eksperiencë të re.
Sipas mediave italiane, interesim për ish-portierin e 2 Korrikut, Kalmarit dhe Lazios ka shfaqur SPAL.
Kjo skuadër po shfaq qëndrueshmëri në Serie A, prandaj mund të jetë një destinacion interesant për Berishën.
Ky i fundit e ka humbur pozitën e titullarit edhe tek Kombëtarja shqiptare, ku portier i parë është Thomas Strakosha. /Gazeta Express/