Anton Berisha, anëtar i Kryesisë së AAK-së, ka deklaruar se shkarkimi i drejtorit të Arsimit në Komunën e Prishtinës Jonuz Salihaj, duhet të shqyrtohet në mbledhjen e Kryesisë së kësaj partie.
“Ne, nuk do të lejojmë që aktivistë partiakë pa asnjë dije në fushën e arsimit të shkarkojnë njerëz me kredibilitet, që i kanë kushtuar tërë jetën arsimit, siç është z. Salihaj. Ai gëzon respektin tim të plotë”, ka shkruar ai në Facebook.
Jonuz Salihaj u shkarkua nga posti i Drejtorit të Arsimit në Komunën e Prishtinës. Ai u lirua nga detyra të martën, me kërkesë të partisë së tij AAK, pjesë e koalicionit të qeverisë lokale.
Statusi i plotë i Berishës:
Shkarkimi i drejtorit te arsimit ne Komunen e Prishtines, z. Jonuz Salihaj, duhet te shqyrtohet ne mbledhjen e kryesise qendrore te AAK-se.
Ne, nuk do te lejojme qe aktiviste partiak pa asnje dije ne fushen e arsimit te shkarkojne njerez me kredibilitet, qe i kane kushtuar tere jeten arsimit, sic eshte z. Salihaj.
Ai gezon respektin tim te plote .
