Hector Bellerin i ka dalë në mbrojtje bashkëlojtarit të tij të Arsenalit, Mesut Ozil, pasi ky i fundit është pensionuar nga Kombëtarja e Gjermanisë.
Ozil, në një letër që e publikoi në llogarinë e tij në twitter, tha se po pensionohet sepse nuk mund ta durojë më racizmin dhe mosrespektin me të cilin është përballur në Gjermani pas takimit me presidentin e Turqisë, Recep Tayyip Erdogan, në muajin maj.
“E pabesueshme se si dikush që ka bërë kaq shumë për vendin e tij, brenda fushës dhe jashtë saj, është trajtuar me kaq mosrespekt. Të lumtë Mesut Ozil që ke ngritur zërin ndaj këtyre sjelljeve!” ka shkruar Bellerin në llogarinë e tij në twitter. /Gazeta Express