Fëmija me emrin Mërgim Kadria, thuri një këngë për kryetaren e Gjakovës, Mimoza Kusari – Lila që në atë kohë ishte kandidate e AKR-së, deri sa shprehu dëshirën për një shtëpi të re.

Kjo pasi që ai jetonte në kushte të rënda në këtë lagje me emrin “Ali Ibra” në Gjakovë.

Dëshirën e tij, Mimoza Kusari-Lila e plotësoi disa vite më vonë, ani pse Mërgim Kadria tani nuk gjendet në Kosovë.

E para e Gjakovës, këtë të enjte përuroi 51 shtëpi për komunitetin RAE në këtë lagje.

Përkrahje për këtë komunitet po premton edhe Zëvendësministri për Komunitete e Kthim, Jollxhi Shala.

Përveç Ministrisë për Komunitete e Kthim e Komunës së Gjakovës, kontribut në këtë projekt dha edhe ambasada zvicerane. /Klan Kosova/