Beckenbauer do ta shohë Kloppin si trajner të Bayernit

PUBLIKUAR

Ish-presidenti i Bayern Munichut, Franz Beckenbauer, shpreson se në të ardhmen do ta ketë mundësinë ta shohë Jurgen Kloppin e Liverpoolit në karrigen e trajnerit të kampionit në fuqi gjerman.

Kloppi dhe Liverpooli e eliminuan dje gjigantin gjerman nga Liga e Kampionëve, duke siguruar fitore me rezultat 3:1 në Allianz Arena. Ndeshja e parë mes dy skuadrave përfundoi me barazim pa gola, transmeton Gazeta Express.

Trajneri gjerman Klopp ka arritur ta kthejë Liverpoolin në formën më të mirë, që kur u emërua në pozitën e trajnerit në vitin 2015. Ai e drejtoi skuadrën e tij deri në finale të sezonit të kaluar të Ligës së Kampionëve dhe këtë sezon është duke garuar për titull të Premierligës.

Ai është treguar i suksesshëm edhe në vendlindjen e tij, pasi e kishte fituar dy herë titullin e Bundesligës gjatë kohës sa ishte trajner i Dortmundit. Ndërsa, pastaj ishte radhitur për dy sezone radhazi në vendin e dytë, pas Bayernit.

Dhe Beckenbauer beson se ai do të përshtatej shumë mirë në klubin më të madh gjerman.

“Jurgen Klopp në FC Bayern. Kjo do të ishte gjëja më e mirë e mundshme. Jurgeni i mësoi gjermanët të luajnë futboll të shpejtë”, ka thënë Beckenbauer kur u pyet për mundësinë e emërimit të Kloppit si trajner i Bayernit. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...