Zyra e Bashkimit Europian në Kosovë ka dënuar sulmin e mbrëmshëm në Radio Televizionin e Kosovës. Në një reagim dërguar mediave, zyra e BE’së ka kërkuar që të sillen para drejtësisë ata të cilët e sulmuan mbrëmë RTK’në.

“RTK-ja është institucion kombëtar i rëndësishëm i themeluar nga qytetarët e Kosovës dhe i themeluar për qytetarët e Kosovës. Një sulm mbi te është kërcënim ndaj lirisë së shprehjes dhe interesave të qytetarëve të Kosovës”.

“ Zyra e BE-së në Kosovë/Përfaqësuesi Special i BE-së shpreh shqetësimin për këtë sulm tashmë të dytë mbi një institucion publik gjatë disa javëve të fundit”, thuhet në reagimin e Zyrës së BE-së në Kosovë.

“Ne u bëjmë thirrje të gjithëve që të mos shprehin mospajtimet e tyre përmes mjeteve që dëmtojnë pronën ose që mund t’u shkaktojnë dëm jetës së njerëzve”.