Jemi mësuar të shohim se si po i thyen rekordet Lionnel Messi me Barcelonën si dhe sulmuesi i Real Madridit, Cristiano Ronaldo.

Por, mbrëmë kampioni gjerman ka thyer dy rekorde, të cilat nuk i ka arritur Barcelona dhe as Real Madridi.

Ekipi i Pep Guardiolës ishte në prag të eliminimit, por u rikthye në minutat e fundit për tu kualifikuar në çerekfinale të Ligës së Kampionëve, transmeton Telegrafi.

Bayern Munich triumfoi mbrëmë kundër Juventusit në saje të shtesave prej 2×15 minutash pasi që paraprakisht ndeshja në kohën e rregullt kishte përfunduar me rezultat të përgjithshëm, 4:4.

Së bashku me këtë, të besuarit e Pep Guardiolës kanë vendosur edhe dy rekorde të reja në garën më prestigjioze evropiane për klube.

Bavarezët pas triumfit të mbrëmshëm kanë shtuar numrin e çerekfinaleve, përkatësisht kjo është hera e 15 radhazi që klubi gjerman e ka arritur – asnjë klub tjetër nuk e ka arritur këtë numër të Bayernit.

Të besuarit e trajnerit spanjoll kanë shënuar si vendas nga tre gola në shtatë ndeshjet e fundit të Ligës së Kampionëve – sërish, bëhen i vetmi klub që ka arritur këtë rekord. /Telegrafi/