Bayern Munich ka plane të mëdha për sezonin e ri
Drejtuesit e Bayern Munichut pritet të bëjnë investime të mëdha në skuadër gjatë verës, në mënyrë që të jetë konkurrentë i fortë edhe në Evropë.
Sipas gazetës gjermane, Bild, skuadra nga Allianz Arena është e gatshme të shpenzoj 120 milionë euro për transferimin e dy yjeve.
Fjala është për Marco Verrattin (Paris Saint-Germain F.C.) dhe Alexis Sanchezin (Arsenal), përcjell Gazeta Express.
Verrattin nuk është i lumtur në Francë dhe gjatë verës pritet të gjej një ekip të ri. Sipas Bild, marrëdhëniet e mira të Ancelotti me Verrattin pritet ta bindin lojtarin që të transferohej në Gjermani për 60 milionë euro.
Kurse, edhe Sanchez pritet të largohet nga Arsenali pasi nuk është i lumtur në Emirates. Sikurse për Verrattin, edhe për Sanchezin gjiganti gjerman është i gatshëm të shpenzoj 60 milionë euro.
Por, përveç Bayern Munichut, Verratti dhe Sanchez kërkohen edhe nga skuadra të tjera evropiane. /Express/
