Sulmuesi i talentuar belg, Michy Batshuayi është në rrugë të mirë për tu transferuar në Angli.

Ylli i skuadrës së famshme franceze Olympique Marseille ka pasur një stinor të mrekullueshëm ku ka shënuar mbi 25 gola në të gjitha garat.

Kështu vlera e tij është rritur dukshëm, ndërsa ai ka paralajmëruar largimin nga skuadra e tij aktuale.

E ardhmja e tij duket në Ligën Premier, ku dy skuadrat londineze West Ham United dhe Arsenal janë duke u interesuar për të.

Mediat në Angli kanë shkruar se West Ham tani ka bërë ofertë prej 30 milionë euro, por ende nuk ka ndonjë përgjigje zyrtare nga Marseille nëse do ta lënë të lirë apo jo lojtarin. /Telegrafi/